.webp "أم تستغيث ولدي تعارك مع بوليس ياخي دخلو علينا للدار وضربوه.. توا لا يتحرك لا يتكلم (فيديو)")
نشرت مواطنة تونسية قاطنة بالمنستير مقطع فيديو على الفايسبوك أطلقت من خلاله نداء إستغاثة وذلك إثر اقتحام أعوان الأمن لمنزلها في ساعة متأخرة من الليلة واعتدائهم بالعنف الشديد على إبنها وذلك إثر خلافه مع أحد أعوان الأمن، وهذه التفاصيل الذي ذكرتها والدته :"يا ناس يا عباد ولدي تعارك مع أمني يخدم في سوسة وكانو أصحاب ياكلو في الماء والملح مع بعضهم ويدخل ويخرج علينا للدار، وعندهم مدة متعاركين وكيف حب يرجع لولدي ولدي ما حبش..
نهار الجمعة إلي فاتت 5اوت 7 متاع الصباح جاب أصحابو أمنيين من مركز سقانص خاطر نسكنو في سقانص، خلعو الباب ومدو قدام بنتي حبله سلاح يعمرو فيه ، ولدي كيف شافهم هرب خلطو عليه للشارع ضربوه على ساقو وركبوه في الكرهبة وهزوه للمركز، وغادي هرسوه بطريحة وكسرولو خشمو وكسرولو ساقو وخلاووه مطيش، خلطنا عليه للمركز وكيف شافونا طلعوه على كروسة وهزوه للسبيطار..
ولدي في حالة هستيرية بعد ما ضربوه على راسو ورصاتلو في عملية على ساقيه وتوا مطيش في الدار لا يتكلم لا يتحرك..
ياخي الدنيا غابة ومسيبة، كان جا ولدي غالط يهزوه يوقفوه ويحبسوه مش يضربوه ويسقطوه
بربي إن شاء الله صوتي يوصل.."
تعليقات
إرسال تعليق